sru:version: 1.2; sru:query: fcs.rf="mecmua.2_24"; fcs:x-context: mecmua; fcs:x-dataview: title,full; sru:startRecord: 1; sru:maximumRecords: 10; sru:query: fcs.rf="mecmua.2_24"; sru:baseUrl: ; fcs:returnedRecords: 1; fcs:duration: PT0.033S PT0.038S; fcs:transformedQuery: /descendant-or-self::fcs:resourceFragment[ft:query(@resourcefragment-pid,<query><phrase>mecmua.2_24</phrase></query>)];

[ʿĀşıq Yūnus]

Yandum hey Allāhum yandum üş yine senüñ ʿışquñdan
Hey Allāhum maḥrūm ėtme qullarunı [!] dīzārından [!]

Gider benlügüm benden dileklerüm budur senden
İllerüsi [!] yönden bundan maḥrūm ėtme dīzārından

Düni güni fikr eyledüm dāʾim ḥaqqa şükr eyledüm
Dilüm ile ẕikr eyledüm maḥrūm ėtme dīzārından

Ṣırāṭ köprüsinden geçüp cehennem odına düşüb
Yüzüm qarasına baqub maḥrūm ėtme dīzārından

Yūnus Emrem sözi söyler qan yaşıyla dolar gözi
Yarlıġaġıl cümlemüzi maḥrūm ėtme dīzārından

[İlḥān Oġlı]

Ben bu yalancı dünyāya gelüben gitmesem bārī
Dilümde tesbīḥüm budur ḥaqqı unutmasam bārī

Unudam dėyü qorqaram cehennem ġuṣṣasın yėrem
Īmānum yoldaş olaydı yalıñız gitmesem bārī

Ben bu yėrde ṭopraq idüm donanurdum bahārumdan
Şol yārenler naẓarından gelüben gitmesem bārī

Üstimüzde gūller [!] biter kimi biter kimi yiter
Bende gül yapraġı gibi çüvelüp [?] ṣolmasam bārī

Gül ol Muḥammed teridür egninde [?] Allāh nūrıdur
Uçmaq velīler yėridür ol yėrden gitmesem bārī

İlḥān Oġlı sözin ḥaqqdur Allāhuñ keremi çoqdur
Nice dėyen ṣuçum çoqdur günāhum dilesem bārī

[ʿĀşıq Yūnus]:

Mevlām ḥażretine qarşu varam aġlayı aġlayı
Hem ʿAzrāʾīle cānumı vėrem aġlayı aġlayı

Çün ʿAzrāʾīl ala cānum geçe benüm ʿömrüm günüm
Kefen ola cümle donum kim aġlayı aġlayı

Ben yürürem yana yana çeşmüm yaşı döndi qana
Yalıñız qarañusına girem aġlayı aġlayı

Mühür uralar dilüme ʿināyet eyle quluña
ʿÖmrüm defterin elüme alam aġlayı aġlayı

Yūnus eyidür bu dervīş fedādur yolıña başı
Īmān vėr bize yoldaşı gidem aġlayı aġlayı